Roodies verwelkom hul nuwe hoof

Deon Rousseau (45) beplan om sy loopbaan eendag te eindig waar hy dit 22 jaar gelede begin het – by Laerskool Roodekrans.

Dit kom nadat Jan Meyer – skoolhoof van 33 jaar – besluit het om uit te tree.

Deon is dus op Woensdag 1 Januarie 2014 amptelik as skoolhoof aangestel.

Hy het as onderwyser by Roodies begin, hy is van daar na Lanternskool en Weltevreden Park toe en 12 jaar later het hy weer na Roodies teruggekeer.