Skool ontruim na bomdreigement

Add as a preferred source on Google

Die leerlinge en onderwysers by Hoërskool Die Burger moes vanoggend die geboue ontruim nadat hulle ‘n bomdreigement ontvang het.

Volgens ‘n nie-amptelike bron by die skool is ontruimingsprosedure gevolg en is die SAPS ontbied. Bekommerde ouers het buite die skool saamgedrom terwyl die polisie se plofstof honde die perseel gefynkam het.

Omstreeks 9.30vm het die polisie die groen lig gegee vir die personeel en leerlinge om die perseel weer te beset.

Die bron het aan die Record gesê dat hulle “oortuig is dit was ‘n leerling wat die skool wou ontwrig.”