Buig of bars, koper sal ons steel

 ‘Hoe op dees aarde?’ mag wetsgehoorsame burgers dalk vra.

Die koperdiefstal wat tans in Nick Toomey Straat in Davidsonville aangaan smokkel inderdaad met ‘n mens se kop.

Koperdiewe is besig om lamppale op een of ander verbysterende wyse te buig om die koperbedrading by te kom.

Die knakke is te hoog om deur ‘n voertuig gemaak te wees en inwoners kan slegs wonder oor hoe hierdie vandalisme en diefstal plaasvind.