Dit is vyf in ‘n ry vir Bastion se JC

JC Roux, ‘n Graad 8-leerder van Hoërskool Bastion het baie goed tydens die Abacus-wiskundetoernooi presteer.

Hy is as die Super Kampioen by die Streeks- en die Nasionale Kampioenskappe gekroon en het ook die SA Ambassadeurstrofee ontvang.

JC het alreeds aan vier internasionale kompetisies deelgeneem, onderskeidelik in Indië (2015), Singapoer (2016), Thailand (2017) en Suid-Afrika (2018). Hy gaan later vanjaar aan sy vyfde een deelneem, wanneer hy Suid-Afrika in Dubai gaan verteenwoordig.