Florries se netbal is aan die brand

Tydens die nasionale netbaltoernooi wat vanjaar by Hoërskool EG Jansen plaasgevind het, het Hoërskool Florida se netbalspelers op vele vlakke presteer.

Graad 9-leerder Raquel Njela het ‘n gouemedalje, Graad 8-leerder Crystal-Leigh Schaper het ‘n silwermedalje en Nicole Barry, ‘n Graad 12-leerder, het ‘n brons spanmedalje verower.

Graad 12-leerder Claudia Aggenbacht was deel van die SA o.18-span en het in die Top 40 geëindig. Sy het ook ‘n uitnodiging na die o.21 Junior Proteakamp ontvang.

Aliesha Theron, die afrigter van die Gautengse o.16-netbalspan, het ‘n tweede plek tydens die Nasionale Kampioenskappe behaal.