Roodies wys boelies die pad
Boelie-bewusmakingsveldtog poog om afknouery uit te wis
AfriForum se teenboelieveldtogspan het onlangs by Laerskool Roodekrans besoek afgelê, waar hulle deel was van die skool se boeliebewusmakingsweek.
“Roodies is ’n waardegedrewe skool wat daarna streef om afknouery heeltemal uit te wis en ons fokus op vyf spesifieke waardes, naamlik verantwoordelikheid, omgee vir ander, eerlikheid, integriteit en respek. Dit is ook vir ons belangrik dat ons leerders die verskil tussen afknouery en gesonde konflikhantering moet ken en verstaan. Ons het vanjaar elke kwartaal sprekers gekry om, in samewerking met AfriForum, bewustheid oor afknouery onder ons leerders en onderwysers te skep,” het Deon Rousseau, die skoolhoof, gesê.
Leandie Bräsler, AfriForum se koördineerder vir leierskapsontwikkeling het bygevoeg, “Ons wil met ons teenboeliepraatjies saam met leerders, onderwysers en ouers werk om afknouery in skole stop te sit en die betrokke partye met die kennis toe te rus om dit te doen. Tydens ons besoek het ons aan elke onderwyser ’n AfriForum-teenboeliegids gegee wat raad bevat oor afknouery. Dié gids bevat ook inligting deur Daniel Eloff, regskenner by Hurter Spies Ingelyf, ten opsigte van boeliegedrag.”
Do you perhaps have more information pertaining to this story? Email us at roodepoortrecord@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
