Ek was nou die dag by die Burgersentrum om ‘n probleem met my ma, 81, se water-en-ligte rekening uit te sorteer.
Met die verwagting om weer slegte diens te kry, word my voete onder my uitgeruk. Die vrou by ontvangs was so vriendelik. Haar naam is Kabo. Sy was baie netjies, intelligent en het met kennis geluister na my geluister en gesê ek moet die volgende dag die papiere inbring en na haar toe gaan.
Die volgende dag het ek haar gaan opsoek en sy het dadelik vir my gesê “Your mom’s papers!” Sy het my gehelp en binne ‘n japtrap het sy my probleem uitgesorteer.
Dit was nie eers ‘n halfuur vandat ek gearriveer het tot ons klaar was en ek uitgestap het nie.
Ek wil graag met dié brief dankie sê aan Kabo vir haar uitstekende diens. As almal net so geïnteresseerd is in en trots is op hul werk soos Kabo, sal dit soveel beter gaan.
City Power by die Burgersentrum, kyk goed na Kabo en vereer haar. Julle kan trots wees op haar.
