Vier stoeiers in provinsiale streekspan opgeneem
Danie van Zyl Stoeiklub stoeiers presteer
Die stoeiers van die Danie van Zyl Stoeiklub het aan die afgelope Suid-Afrikaanse Kadette- asook Jeugkampioenskappe deelgeneem en baie goeie prestasies behaal.
Christopher Schaper het gedurende Julie aan die SA Kadettekampioenskappe deelgeneem, en ‘n gouemedalje verower.
Tydens die SA Jeugkampioenskappe, wat in Oktober plaasgevind het, het die medaljewenners met een goud, twee silwer en een brons weggestap. Johnny Esterhuizen het ‘n gouemedalje in die o.10-afdeling verower, Terrence Esterhuizen (o.11) en Darren Dickman (o.15) het elkeen ‘n silwermedalje verower terwyl Shuan Gallant ‘n bronsmedalje in die o.9-afdeling verower het.
Bo en behalwe hierdie prestasies is vier van die klub se stoeiers ook vir die Sentraal-Gautengse Noordvaalspan gekies. Dit is vir enige stoeier ‘n baie groot eer om hierdie span te haal, want daar word net 18 stoeiers vir die span gekies.
Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Besoek ook ons Facebook, Twitter en Instagram blaaie om jou stem te laat tel!
