Die digitale bestuurder by die Caxton-kantoor in Witpoortjie het onlangs ‘n nuwe gesinslid ryker geword.
Johnny en Sonette Beukes het met groot afwagting die dae afgetel voor klein Michael – hul tweede seun – se geboorte. Alhoewel hulle Michael op 25 Desember verwag het, het hy besluit om sy ouers net so ‘n klein rukkie langer te laat wag.
Hy is op 28 Desember om 7nm in die Life Robinson Hospitaal gebore en het 3,05 kilogram geweeg. Sonette het vertel hulle is uit hul velle oor hul nuwe bondeltjie vreugde. “Ons is baie bly en dit is lekker om weer ‘n klein babatjie in die huis te hê,” het sy gesê.
Sy het ook gesê dat haar man, Johnny baie trots is op sy twee seuns en dat hul oudste, Dewald net so bly is oor sy nuwe boetie.
“Ouboet is baie oulik met Michael en kan nie genoeg van sy boetie kry nie,” het Sonette gesê.
Almal by die Caxton-kantoor se wens is dat klein Michael vir Johnny, Sonette en Dewald net vreugde en geluk sal bring.
Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Randfontein Herald, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
