Riaan van Rhyn (11) se oogprobleem sal binnekort iets van die verlede wees.
Met die Weltevreden Lions se jaarlikse toer vir minderbevooregte kinders na die see, het hulle opgemerk dat Riaan se ooglid oor sy oog groei.
“Ons het besluit om te kyk of ons die probleem kan oplos. Ons het met sy ouers gepraat en hulle het gesê hulle het alles probeer by staatshospitale sonder enige geluk,” het Pieter Potgieter van die Lions gesê.
“Ons het Riaan na Torga Optical in Cresta toe gevat wat ‘n oogtoets verniet gedoen het, waarvoor ons hulle baie graag bedank.
“Hulle het ons toe verwys na Kritzinger en Vennote wat Riaan se eerste konsultasie ook verniet gedoen het. Hulle het aanbeveel dat ‘n operasie gedoen moet word om die oog reg te maak anders sou dit net erger raak,” het Potgier gesê.
“Die kwotasie wat die narkotiseerder, teater en die optomoloog insluit was R14 000. Ons het vele pogings aangewend om fondse in te samel soos ‘n musiekpretaand asook ander fondsinsamelings om die nodige geld in te kry,” het hy afgesluit.
Riaan word komende Maandag (9 Mei) geopereer.
Die Lions het ook ander projekte in die pyplyn en het ‘n beroep op die publiek gedoen om hulle te ondersteun.
Enige een wat belangstel kan Potgieter kontak by 074 189 2747.
Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Randfontein Herald, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
