Trane van vreugde en teleurstelling was deur talle modepoppies en spiertiere gepik tydens Hoërskool Bastion se Interskole Styl- en Sangkompetisie op Saterdag 31 Augustus.
Op die einde van die dag kan daar ongelukkig net een wenner wees. Hierdie spoggerige affêre het vir groot vermaak gesorg.
Minstens agt wenners is op die aand gekroon wat strek van Laerskole Idols-wenners tot Mej Hoërskole.
Behalwe vir die spoggerige rokke, stywe pakke en oulike persoonlikhede was daar ook bekende gesigte soos Corné Crous (beter bekend as Kim in 7de Laan) as die aanbieder, asook die Suid-Afrikaanse langafstandatleet René Kalmer as beoordelaar.
Ander beoordelaars sluit in Johan en Lydian Pittendrigh, Zania Joubert, Rina van Deventer en gaskunstenaars FA van Staden, Mariza Furstenburg, Marco van Kraayenburg en Jopie Schoeman.
Volgens Bastion-onderwysers was dit die eerste kompetisie van sy soort en hulle hoop dat die kompetisie in die toekoms sal groei.
Wenners in die verskeie kategorieë is as volg:
• Mej Hoërskole – Terize Kotze (Bastion), 1ste prinses – Nandi Oosthuizen (Bastion), 2de prinses – Mariza Mendonca (Bastion).
• Mnr Hoërskole – Ruan Fourie (Bastion)
• Mej Laerskole – Kisha dos Santos (Rapportryer), 1ste prinses – Carolene Visser (Rapportryer), 2de prinses – Corrine Human (Rapportryer).
• Mnr Laerskole – Michael Sloane (Rapportryer)
• Mej Kleuterskole – Kyra Ross (Helderkruin)
• Mnr Kleuterskole – Josiah Stroh (Fairland)
• Hoërskole Idol – Magaret-Ruth van Staden (Barochell Christian Academy)
• Laerskole Idol – Victor Mynhardt
