Drie Kruiners, twee van hulle broers, is besig om diep spore in die sport judo te trap.
Nicolas (Graad 1) en James Janse van Rensburg (Graad 3) is onlangs tot die Western United Judo Assosiasie-span verkies wat van 28 tot 29 September aan die SA Judo Skole Kampioenskappe gaan deelneem.
James val in die gewigsgroep van 38kg en sy jonger boetie in die 27kg-groepsklas.
Isobel Mitchley, woordvoerder van Laerskool Helderkruin het die twee mannetjies voorspoed toegewens.
“Ons vertrou hulle gaan sommer goed vaar en wens hulle alles van die beste toe.”
Ivan Olivier, ‘n skoolmaat van die van Rensburgs het twee gouemedaljes ingepalm nadat hy in Julie aan die Sentraal-Gauteng Judo Kampioen van Kampioene Toernooi by die Universiteit van die Witwatersrand deelgeneem het.
